توركیا لێكۆڵینهوهى له خستنهخوارهوهى فڕۆكهكهى له كهركوك دهستپێكردووه
دیمهنى ئهو فڕۆكه توركیهى كه له كهركوك خرایهخوارهوه | فۆتۆ: Anadulu
SNN
لهدواى خستنهخوارهوهى فڕۆكهیهكى بێ فڕۆكهوانى توركى له شارى كهركوك ئهو وڵاته دهستیكردووه به لێكۆڵینهوه له چۆنیهتى خستنهخوارهوهى فڕۆكهكهى، بۆ ئهو مهبهستهش هێڵكى گهرمى لهگهڵ عێراق كردووهتهوه.
رۆژى پێنجشهممه 29ى ئاب، درۆنێكى توركى له جۆری UAV- Aksungur كه تێچووی یەک دانەی 15 تا 20 ملیۆن دۆلارە، لهلایهن بهرگریی ئاسمانى عێراقهوه له كهركوك خرایهخوارهوه، دواتر فهرماندهیی ئۆپراسیۆنه هاوبهشهكان رایگهیاند، “درۆنهكه چاودێرى كردووه، بههاوكارى هێزهكانى هاوپهیمانان توانیمان دهستنیشانى بكهین كه نامۆیه، دواتر خستمانهخوارهوه”.
بهپێى ئهو زانیاریانهى كه له میدیاكانى عێراق بڵاوكراونهتهوه، “بهرپرسانى توركیا پهیوهندیان به بهرپرسانى عێراقهوه كردووه و هێڵێكى گهرمیان دروستكردووه بۆ لێكۆڵینهوه لهسهر خستنهخوارهوهى درۆنهكه. تووشى شۆك بوون كه ههواڵى خستنهخوارهوهى درۆنهكهیان بیستووه، بۆیه لێكۆڵینهوهى لهگهڵ دهكرێت”.
بهپێى زانیارییهكانى میدیاكانى عێراق، “توركیا نایهوێت بابهتهكه پهرهسهندنى زیاتربهخۆهوه ببینێت، بهڵام دهیهوێت لێكۆڵینهوه ورد بكات لهبارهیهوه”.
درۆنی UAV- Aksungur، یەکەمجار لە ساڵی 2022 خراوەتە خزمەتی سەربازی سوپای تورکیا، خێرایی درۆنە 180 کیلۆمەترە لە کاتژمێرێکدا و دەتوانێت 50، کاتژمێر بەبێ گەڕانەوە بۆ بنکەکەی لە ئاسمان بمێنێتەوە، تا بەرزی 40 هەزار پێ دەتوانێت لەئاستی رووی زەوییەوە بەرزبێتەوە، توانای هەڵگرتنی 780 کیلۆگرام تەقەمەنی هەیە، لە یەک کاتدا درۆنی چاودێری و درۆنی هێرش بردینیشە.
