“حەماس ئاگربەستی ناوێت و باجی کوشتنی هەر شەش دیلەکەمان بەقورسی دەدات”
ناتانیاهۆ
SNN
بنمیامین ناتانیاهو، سەرۆکوەزیرانی ئیسڕائیل شۆکبوونی خۆی راگەیاند بە کوشتنی شەش دیلی ئیسڕائیلی کە لە 7ی تشرینی یەکەمی ساڵی رابردووەوە دەستگیراون، لە ئۆپراسیۆنەکانی حەماس بۆ نێو خاکی ئیسڕائیل.
ناتانیاهو ئاماژەی بەوەشکرد، ئەم کردەوە نامرۆڤانەیەی حەماس ئاماژەی ئاشکرایە بۆ ئەوەی کە ئەوان وەستای شەڕ و ئاگربەستیان ناوێت، حەماس بە توندی باجی کوشتنی شەش دیلی بێتاوانی ئێمە دەدات.
ئەمڕۆ وەزارەتی بەرگری ئیسڕائیل رایگەیاند، دوای ئەوەی لە بەشێک لە تونێلەکانی رەفەح شوێنی چەند دیلێکی ئیسڕائیلی ئاشکرا دەکەن، دوای گەیشتنی تیمی تایبەت بە رزگارکردنی دیلەکان، سەرجەمیان لەلایەن حەماسەوە دەکوژرێن.
وەزارەتی بەرگری ئیسڕائیل ئەوەش رووندەکاتەوە، کاتێک تیمەکانمان گەیشتە شوێنی دیلە کوژراوەکانی ئیسڕائیل تەنیا چەند خولەکیک بوو فیشەک بە سەریانەوە نرابوو.
