نوێترین زانیاری لەبارەی بەگەڕخستنی كامێراكانی پۆینت توو پۆینت لە نێوان سلێمانی- چەمچەماڵ
SNN-عەلی حەمە سەعید
لەگەڵ ئەوەی ناوبەناو لەدەزگاكانی ڕلگەیاندنەوە باس لە خستەكاری كامێرلنی تۆماركردنی تیژڕەوی دەكرێت لەسەر ڕێگای سەرەكی سلێمانی چەمچەماڵ كە بەكامێرانی پۆینت توو پۆینت ناسراون، بەڵام قایمامی قەزای چەمچەماڵ ڕەتیدەكاتەوە كە ئەو كامێرایانە كەوتبێتنەكار، هاوكات بەرپرسێكی بەڕێوەبەرایەتی هاتووچۆی سلێمانیش روونكردنەوە دەدات.
ڕەمەك ڕەمەزان، قایمقامی چەمچەماڵ بە SNNی ڕاگەیاند: دەنگۆی بەكاركەوتنی كامێراكانی تیژڕەوی هاتووچۆ لە نێوان پارێزگای سلێمانی و قەزای چەمچەماڵ دوورە لەڕاستیەوە، چونكە كامێراكان كاتێك دەكەونە كار كە هێما و هێڵكارییەكانی تایبەت بە ڕێنمایی شۆفێران لەسەرتەواوی ڕێگاكە جێگیركرابێتن و دواتر لەلایەن بەڕێوەبەرایەتی هاتوچۆی سلێمانییەوە بە فەرمی ڕادەگەیەنرێت كە كامێراكان كەوتونەتەكار.
هەر ئەمڕۆش ڕائید فەرهاد گورون، لێپرسراوی هۆبەی كامێراكان لە بەڕێوەبەرایەتی هاتووچۆی پارێزگای سلێمانی ڕایگەیاند، كە لە ئێستادا كاركردن لە دانانی كامێرا جێگیرەكان لەسەر ڕێگای (تاسڵوجە – بانی مەقان) بەردەوامە و چەند كارێكی تەكنیكی تێداماوە.
ئاماژەی بەوەشكردووە، تائێستا هیچ وادەیەك دیارینەكراوە، بۆ كەوتنەكاری ئەو كامێرا جێگیرانە لە ڕێگای نێوان تاسڵوجە- بانی مەقان، ئەوەش لەكاتێكدایە، ماوەی دوو ڕۆژە لەناو شۆفێران ناڕەزایەتی دروستبووە سەبارەت بە دانانی كامێراكانی تۆماركردنی تیژڕەوی هاتوچۆ لەنێوان تاسڵوجە و بانی مەقان.
