لەکاتی هەڵاتنیان لە زیندان 129 زیندانی كوژران
زیندانى ناوهندى مهكالا له كۆنگۆ | فۆتۆ: DW
SNN
ئهمڕۆ سێشهممه 3ى ئهیلول، دهسهڵاتدارانى كۆمارى كۆنگۆى دیموكرات به فهرمى رایانگهیاند، لەکاتی هەڵاتنیان لە زیندانى مهكالا له شارى كینشاسا، 129 زیندانی کوژران.
بهرهبهیانى ئهمڕۆ، جاكویمهین شهبانى لوكۆ، سیاسهتمهدارى كۆنگۆ له ههژمارى تایبهتى خۆى له تۆڕى كۆمهڵایهتى ئێكس ئاشكراى كرد، “بهرهبهیانى ئهمڕۆ لهكاتى ههوڵێكى ههڵاتندا له زیندانى ناوهندیى مهكالا كه دهكهوێته شارى كینشاسا، 129 زیندانى كوژراون، 59ى تر بریندار بوون، 24 له كوژراوهكان به تهقهى راستهوخۆ كوژراون، ئهوانهى تریش له ئهنجامى پاڵهپهستۆ لهكاتى راكردنهكهدا گیانیان لهدهستداوه”.
وتیشى: “ئاگر له بهشى ئیداره، نهخۆشخانه، عهمبارى خواردن و پرسگه كهوتووهتهوه و بهتهواوهتى بیناكان وێران بوون، بهڵام له ئێستادا دۆخهكه لهژێر كۆنترۆڵدایه و ئاگرهكه كۆنترۆڵكراوه”.
ههر لهو بارهیهوه پاتریك مویایا، وتهبێژى حكومهتى كۆنگۆ زانیارییهكهى پشتڕاستكردهوه و له ههژمارى تایبهتى خۆى له تۆڕى كۆمهڵایهتى ئێكس نووسیویهتى، “ههوڵێكى راكردن له زیندان روویداوه”، به بهبێ ئهوهى هیچ زانیارییهكى تر ئاشکرا بکات.
ئهمه یهكهم جار نییه كه له زیندانى مهكالا ههواڵى راكردن دهدرێت. له ساڵى 2017، لانیكهم 4 ههزار زیندانى كه هاوتایه لهگهڵ نیوهى ژمارهى ئهو زیندانیانهى كه ئێستا لهنێو زیندانهدان ههواڵى راكردنیاندا، له ئهنجامدا 80 زیندانى كوژران.
