زیاتر لە شەش هەزار خانەنشین پاداشتی کۆتایی خزمەت وەردەگرن
پارەی عێراقی
SNN-
دەستەی گشتیی خانەنشینیی عێراق رایگەیاند، پاداشتی کۆتایی خزمەت بۆ زیاتر لە شەش هەزار خانەنشین خەرجکراوە و دەتوانن لە بانکەکان وەربگرن.
لە راگەیەندراوێکدا دەستەکە بڵاویکردووەتەوە و دەڵێت:” ئەو فەرمانبەرانەی کە لە ماوەی مانگی ئەیلولدا ناویان رەوانەی خانەنشینی کراوە بە هێزە سەربازی و ئەمنی و مەددەنییەکانیشەوە دەتوانن بۆ مانگی ئەیلول پاداشتی کۆتایی خزمەتەکەیان وەربگرن.
دەشڵێت:” دوای ئەوە ئەو خانەنشینانە یەکەم مووچەی خانەنشینییان وەرگرتووە 48 کاتژمێر دواتر پاداشتی خزمەتیان بۆ خەرجکراوە و ژمارەیان 6 هەزار و 763 کەس بووە”
ئەوە لە کاتێکدایە دوێنێ خانەنشینانی هەرێمی کوردستان بە گوێرەی یاسای خانەنشینیی یەکگرتووی عێراق مووچەی مانگی تەمموزیان وەرگرت و مووچەکانیان زیادیکرد.
