بافڵ جهلال تاڵهبانى سەردانی د. فوئاد مەعسومى كرد
كۆبوونهوهى بافڵ جهلال تاڵهبانى، سهرۆكى یهكێتى و د. فوئاد مەعسوم، سەرۆککۆماری پێشووتری عێراق | فۆتۆ: نووسینگهى رۆژنامهوانى سهرۆكى یهكێتى
SNN
ئهمڕۆ چوارشهممه 4ى ئهیلول، بافڵ جەلال تاڵەبانی، سەرۆکی یەکێتیی نیشتمانیی کوردستان لە سلێمانی سەردانی د. فوئاد مەعسوم، سەرۆککۆماری پێشووتری عیراق و ئەندامی دەستەی دامەزرێنەری یەکێتیی کرد.
لەدیدارەکەدا بافڵ جەلال تاڵەبانی خۆشحاڵیی خۆی بۆ باشتربوونی دۆخی تەندروستیی د. فوئاد مەعسوم دەربڕی و ستایشی رۆڵی مێژوویی و کاریگەری بەڕێزیانی کرد لە بزووتنەوەی رزگاریخوازی گەلی کورد و رایگەیاند، “یەکێتی بە وەفادارییەوە لە خەبات و ماندووبوونی ئێوە دەڕوانێت، ئێوە سەرمایەیەکی گەورەن بۆ ئێمە و هەوڵەکانتان لەپێناو سەرفرازیی کوردستان و بونیادنانی عیراقی نوێدا مایەی شانازییە”.
سەرۆکی یەکێتی ئاماژەی بەوەشکرد، “یەکێتی بە پشتیوانیی خەڵکی کوردستان و تێکۆشەرەکانی، درێژە بە سیاسەتی حەکیمانەی سەرۆک مام جەلال دەدات، ئێوەش کە هاوڕێ و هاوخەباتی مام بوون، پاڵپشتی و پشتیوانیی ئێوە بەرز دەنرخێنین و بەشوێنپێی ئێوەدا هەنگاو بۆ بونیادنانی داهاتوویەکی گەشتر و کوردستانێکی ئاوەدانتر دەنێین”.
