باڵیۆزی تورکیا: عێراق لە بواری بەرەنگاربوونەوەی تیرۆردا پێشکەوتووە

SNN

باڵیۆزی تورکیا لە بەغدا رایگەیاندووە، ستایشی هەوڵەکانی عێراقی کردووە بۆ بەرەنگاربوونەوەی تیرۆر و وتوویەتی “عێراق لە بەرەنگاربوونەوەی رێکخراوە تیرۆرستییەکان پێشکەوتنی بەدەستهێناوە بەڵام هێشتا بەس نین”.

ئاژانسی ئەنادۆڵی تورکی ئاشکرایکردووە، ئه‌نیل بۆرا ئینان باڵیۆزی توركیا له‌ به‌غدا لە سەردانێکیدا بۆ دەروازە سنورییەکانی فیشخاپور و ئیبراهیم خەلیل ، کە ئەرمان تۆپچۆ کونسوڵی گشتی تورکیا لە هەولێر و عەلی تەرە پارێزگاری دهۆک و چەند بەرپرسێکی تری لەگەڵدا بووە، لەو سەردانەیدا جەختی لە بوونی هاوکاری و هەماهەنگی عێراق و تورکیا کردووەتەوە.

ئاماژه‌ی به‌وه‌کردووە، باڵیۆزخانه‌ی توركیا كارده‌كات بۆ دۆزینه‌وه‌ی چاره‌سه‌ر بۆ کێشەی بازرگانەکان و هاوکات کردنەوەی سەروازەی سنوری نێوان هەردوو وڵات لە حاڵەتی پێویستدا دەبێت.

باڵیۆزی توركیا ئاماژه‌ی به‌ هاوكاری نێوان ئه‌نقه‌ره‌ و به‌غدا له‌ بواری به‌ره‌نگاربونه‌وه‌ی تیرۆر كرد و رایگەیاند، “خۆشحاڵین به‌و پێشكه‌وتنانه‌ی كه‌ عێراق له‌ به‌ره‌نگاربونه‌وه‌ی ڕێكخراوه‌ تیرۆریستییه‌كان به‌ده‌ستی هێناون، به‌ڵام ئه‌مانه‌ به‌ به‌س نابینین، به‌ڵكو ئه‌و پێشكه‌وتنانه‌ی به‌ده‌ستهاتون به‌رز ده‌نرخێنین و به‌رده‌وام ده‌بین له‌ ئۆپه‌راسیۆنه‌كان”.