داهاتی  نانەوتی ئەم هەفتەی سلێمانی بەراورد بە هەفتەی رابردوو کەمیکردووە

SNN

بەگوێرەی ئەو داتایەی ماڵپەڕی شەفافیەت بڵاویکردووەتەوە، داهاتی نانەوتی ئەم هەفتەی سنوری سلێمانی و هەڵەبجە بەراورد بە هەفتەی رابردوو نزیکەی چوار ملیار و 500 ملیۆن دینار کەمیکردووە.

ئەمڕۆ هەینی 6ی ئەیلوول، ماڵپەڕی شەفافییەت داهاتە نانەوتییەكانی یەك هەفتەی سنووری سلێمانی و هەڵەبجە و هەردوو ئیدارەی راپەڕین و گەرمیانی لە 31-8-2024 تا 6-9-2024 بڵاوکردەوە، بەگوێرەی ئامارەکان بڕی 11 ملیارو 433 ملیۆن و 271 هەزارو 899 دینار بووە.

هاوکات، ئەم بڕەش بەراورد بە هەفتەی رابردوو کەمی کردووە کە کۆی داهاتەكە 14 ملیارو 389 ملیۆن و 843 هەزار دینار بووە.

ماڵپەڕی شەفافیەت ئەوەشیخستووەتە ڕوو، رێژەی 83%ی داهاتەكە بەشێوەی نەختینەیە و 17% بە شێوەی چەك بووە.