مەرز و دەروازەکان بەرووی هاوردەکردنی بەرهەمی تەماتە لەدەرەوەی عێراق داخران

SNN-
وەزارەتی کشتوکاڵ و سەرچاوەکانی ئاو بڕیاریدا بە داخستنی مەرز و دەروازەکان
بەرووی هاوردەکردنی بەرهەمی تەماتە لەدەرەوەی عێراق بۆ ناو سنورەکانی عێراق کە ئەمەش هەنگاوێکی گرنگ و دەرفەتێکی زێرینە بۆ ساغکردنەوەی بەرهەمەکانی جوتیارانی هەرێمی کوردستان.

وەزارەتی کشتوکاڵ و سەرچاوەکانی ئاو لە راگەیەندراویکدا بڵاویکردووەتەوە کە لە دوای بریارێک لە لایەن ئەنجومەنی وەزاری ئابوری حکومەتی فیدراڵی کە هەریەک لە بەرهەمەکانی (خەیار، تەماتە و پیاز، کولەکە و شوتی ) مۆڵەتی هاوردەکردنیان کرابووەوە کە ئەمەش پێچەوانەی ڕۆژمێری هاوبەش و پەسندکراوی کشتوکاڵی بوو ، بەهۆی بوونی مەڕاسیمەکانی مەحەڕەمی عاشوراوە، ئەمرۆ لەسەر پێداگری وەزیری کشتوکاڵ و سەرچاوەکانی ئاو (بێگەرد تاڵەبانی ) لە کۆبونەوەی ئەنجومەنی وەزاری ئابوری عێراقی لە هەرێمی کوردستان، بە ڕەچاوکردنی بەرژەوەندی گشتی جوتیاران لەدوای دانوستان و گفتوگۆیەکی چڕ بریار درا ، بۆ پاڵپشتی جوتیاران و بە بازاڕکردن و ساغکردنەوەی بەرهەمی تەماتەی جوتیارانی هەرێمی کوردستان ،ئەنجومەنی وەزاری
ئابوری عێراقی بڕیاریدا بە :

داخستنی مەرز و دەروازەکان بەرووی هاوردەکردنی بەرهەمی تەماتە لەدەرەوەی عێراق بۆ ناو سنورەکانی عێراق کە ئەمەش هەنگاوێکی گرنگ و دەرفەتێکی زێرینە بۆ ساغکردنەوەی بەرهەمەکانی جوتیارانی هەرێم،بە تایبەتی جوتیارانی ناوچەی پێنجوین ، سیدەکان و دەشتەکانی هەولێر و دهۆک. کە لە ئێستا دا بەرهەمەکانیان پێگەیشتووە و کێشەی بەبازاڕکردنیان هەبووە و بۆ لەودوا کێشەکانیان چارەسەرکراو و بەرهەمەکانی هەرێم دەچێتە بازاڕەکانی ناوەراست و خوارووی عێراق.