بەهۆی تەقینەوەی بۆمبێکی چێنراوەوە لە بەغدا سێ کەس بوونە قوربانی

SNN

میدیاکانی عێراق بڵاویانکردەوە، بۆمبێکی چێنراو کە لە رێگەی “توک توک”ەوە گواسترابووەوە لە ناوچەی سەلامیاتی شاری بەغدا تەقییەوە و بەهۆیەوە شۆفێری “توک توک”کەکە و کەسێکی تر گیانیانلەدەستدا و کەسێکی تریش بریندار بوو.

وەلید تەمیمی، فەرماندەی فەرماندەیی ئۆپراسیۆنەکانی بەغدا بە ئاژانسی هەواڵی عێراقی راگەیاند، لە ناوچەی سەلامیات بۆمبێكی چێندراو لە نێو بۆکسێکی دیاریدا لە رێگەی “توک توک”ێکەوە گەیەندراوەتە ناوچەی سەلامیات لە نزیک بازگەیەکی سەربازی بۆ ئەوەی لە رێگەیەوە هاوڵاتییەکی بە ئامانج بگیرێت، بۆمبێکە چێنراوەکە تەقیوەتەوە.

ئاشکرایکردووە، بۆمبەکە لە نزیک بازگە سەربازییەکە تەقیوەتەوە و بەهۆیەوە شۆفێری “توک توک”ـەکە و سەربازێکی بازگەکە گیانیانلەدەستداوە و ئەو هاوڵاتییەی بە ئامانج گیرابوو برینداربوو.

بەگوێرەی میدیاکانی عێراق، رووداوەکە لەسەر کێشەیەکی تایبەتی بووە و پەیوەندیی بە بابەتی تیرۆرەوە نییە، هاوکات تیمێکی لێکۆڵینەوە لەلایەن دەزگا ئەمنییەکانەوە بۆ ئاشکراکردنی تاوانەکە و دەستگیرکردنی ئەنجامدەرەکان پێکهێنراوە.

ناسنامەی شۆفێری “توک توک”کەکە.