کاندیدێکی سەربەخۆ لە دهۆک لە هەڵبژاردنەکانی پەرلەمانی کوردستان کشایەوە

SNN

یەکێک لە کاندیدە سەربەخۆکان لە پارێزگای دهۆک نامەیەکی ئاڕاستەی نوسینگەی کۆمیسیۆنی باڵای سەربەخۆی هەڵبژاردنەکانی عێراقی لە دهۆک کردووە، تیایدا داوای دەستلەکارکێشانەوە لە کاندیدبوون دەکات.

ئەمڕۆ سێشەممە 10ی ئەیلوول، لەزگین کۆچەر، کاندیدی سەربەخۆ لە بازنەی دهۆک نامەیەکی دەستلەکارکێشانەی ئاڕاستەی نوسینگەی کۆمیسیۆنی باڵای سەربەخۆی هەڵبژاردنەکانی عێراق کردووە، پێشتر وەک کاندیدێکی سەربەخۆ لە کۆمیسیۆن ناوی خۆی تۆمارکردووە و ژمارە 126ی پێدراوە.

سەبارەت بە هۆکاری دەستلەکارکێشانەوەکەی رایگەیاندووە، هیچ هۆکارێکی دیاریکراو نییە تەنها لەبەر هۆکاری تایبەتی خۆی ئەو بڕیارەی داوە.

بەوپێیەبێ لەبازنەی دهۆک تەنها چوار کاندیدی سەربەخۆ ماون کە بەشداریی لە هەڵبژاردنەکانی خولی شەشەمی پەرلەمانی کوردستاندا دەکەن، ئەوانیش:

1.سەباح ئەتروشی

2.دلێرنەقەبی

3.ئیسلام یوسف

4.ئەبۆ حەکیم

نامەی دەستلەکارکێشانەوەکەی