سەرۆککۆماری ئێران سەردانی عێراق و هەرێمی کوردستان دەکات

SNN-

مەسعود پزیشکیان سەرۆک کۆماری ئێران لەسەر بانگھێشتی محەمەد شیاع سودانی سەرۆک ووەزیران، سەردانی عێراق و ھەرێمی کوردستان دەکات.

پزیشکیان پێش بەڕێکەوتنی لە كۆنگرەیەكی رۆژنامەوانیدا لە تاران رایگەیاند: لەم گەشتەدا سەردانی بەغداد و شارە شیعە نشینەکان و بەسرە هەروەها شارە کوردییەکان، هەولێر و سلێمانی دەکەین و لەگەڵ خۆشەویستانی ئەوێ کۆدەبینەوە

سەرۆکایەتی کۆماری ئێرانیش لە راگەیەنراوێکدا بڵاویکردەوە، مەسعود پزیشکیان لە ماوەی سێ رۆژی سەردانەکەیدا جگە لە بەغداد سەردانی نەجەف، کەربەلا، بەسرە و ھەولێر و سلێمانیش دەکات.

دەشڵێت، سەردانەکە مێژوییە و خاڵی جەوھەری ئەم سەردانە مێژووییە ئەوەیە یەکەمجارە سەرۆ کۆمارێکی ئێران لەسەردانەکەیدا بۆ عیراق، سەردانی ھەرێمی کوردستانیش دەکات.

لە بەغداد پزیشكیان لەگەڵ هەریەكە لە (لەتیف رەشید)و (محەمەد شیاع سودانی) سەرۆك وەزیران و (موحسین مەندەلاوی) لەبری سەرۆكی پەرلەمان و (فایەق زێدان) سەرۆكی ئەنجومەنی باڵای دادوەریی عێراق كۆدەبێتەوە.