حکومەتی هەرێم لەبارەی بڕیار و راسپاردەکانی ئەنجوومەنی ئابووری و پرسی مووچە کۆدەبێتەوە

SNN-

ئەمڕۆ کۆبونەوەى ئەنجومەنى وەزیران بەڕێوەدەچێت و کۆبونەوەکەش تەنها لە یەک تەوەر پێکدێت و ئەنجامى کۆبونەوەکانى چەند رۆژى رابردو تاوتوێ دەکرێت.

بەپێى کارنامەى کۆبونەوەى ئەنجومەنى وەزیران، ئەمڕۆ کاتژمێر 10:00 کۆدەبنەوە و گفتوگۆ لەبارەی ئەنجامی کۆبوونەوەی هاوبەشی ئەنجوومەنی وەزاریی عێراق بۆ کاروباری ئابووریی و ئەنجوومەنی ئابووریی هەرێمی کوردستان دەکەن و رێکار و هەنگاوەکانی جێبەجێکردنی بڕیار و راسپاردەکان تاوتوێ دەکەن.

بۆ ماوەی دوو رۆژ شاندی ئەنجوومەنی وەزاری ئابوری عێراق سەردانی هەرێمی کوردستانیان کرد و لەگەڵ شاندی ئەنجوومەنی وەزاری ئابوری هەرێمی کوردستان کۆبوونەوە و دوێنێ سێشەممەش دوای کۆبوونەوەی ئەنجوومەنی وەزیرانی عێراق،  باسم عەوادی وتەبێژی حکومەتی عێراق لە کۆنگرەیەکی رۆژنامەوانیدا رایگەیاند، کە عێراق مووچەی فەرمانبەرانی هەرێمی کوردستان دەنێرێت  ئەوانەشی کە بایۆمەترییان نەکردووە  بەڵام تاوەکو کۆتایی ئەمساڵ دەبێت سەرجەم کێشەکان چارەسەر بکەن.