“کۆتایی ئەم هەفتەیە یەکەم بارانی ئەمساڵ دەبارێت”

SNN-

شارەزایەکی كەشناسی زانیاری نوێ لەبارەی یەكەم بارانی ئەمساڵ و كەشوهەوای ڕۆژانی داهاتوو ئاشکرا دەکات و دەڵێت:” لە سبەینێوە پلەکانى گەرما بەشێوەیەکى بەرچاو نزم ببنەوە و یەکەم بارانى پاییز لە رۆژى هەینى دەبارێت”

ئاراس جەبار، شارەزای کەشناسی بڵاویکردەوە کە لە ماوەی رۆژانی ڕابردوودا شەپۆلێکی بەھێزی بارانبارین و نزمبوونەوەی پلەی گەرما بەشێکی زۆری وڵاتانی ئەورووپای گرتەوە، لە زنجیرە چیاکانی ئەلبیش یەکەم بەفری ئەمساڵ باری، لە سبەی دووشەممەوە 16/9/2024، کاریگەریی ئەو بارستەھەوایە بەسەر دەریای ناوەڕاستدا بۆ وڵاتانی شام و عێراق و ھەرێمی کوردستان درێژ دەبێتەوە، لە ئەنجامدا لە سبەینێوە تاوەکو کۆتایی ئەم ھەفتەیە، پلەی گەرما بە نزیکەی 3 تا 5 پلە بەراورد بە ڕۆژانی ڕابردوو، نزم دەبێتەوە و کەشی فێنک و پایزەیی دەستپێدەکات.”

دەشڵێت:”لە ئەنجامی کاریگەریی ئەو بارستەھەوایانە و بەردەوامیی نزمبوونەوەی پلەی گەرما، لە کۆتایی ئەم ھەفتەیە و بە دیاریكراوی ڕۆژی ھەینی 20/9/2024، لە ئەنجامی دروستبوونی نزمەپاڵەپەستۆیەک لەسەر دەریای ناوەڕاست، یەکەم بارانی پاییزەی ئەمساڵ ڕوو دەکاتە ناوچە جیاجیاکانی ھەرێمی کوردستان کە خۆی دەبینێتەوە لە نمەبارانی پچڕپچڕ، کاریگەرییەكەشی بۆ سەر ناوچەکانی پارێزگای دھۆک زیاتر دەبێت و لەو ناوچانەدا پێشبینیی بارینی بارانێکی ڕێژە مامناوەندیش دەکرێت.”

دەشڵێت:”کاریگەریی ئەم بارانە ماوەکەی کورتخایەن دەبێت و ڕۆژی شەممە 21/9/2024، کۆتایی دێت”