بەهۆکارێکی نادیار لە سۆران ئاگر لە پووش و پەڵاش کەوتەوە
SNN
لە قەزای ناوەندی سۆران بەبێ ئەوەی هۆکارەکەی روون بێتەوە ئاگر لە پوش و پەڵاشی ناوچەکە کەوتەوە و تیمەکانیانی بەرگری شارستانی ناوچەکە توانییان کۆنترۆڵی بکەن.
بەرگریی شارستانی سۆران ئەم وێنانەی بڵاوکردووەتەوە و رایگەیاندووە، لە رووداوێکی ئاگرکەوتنەوە ئاگادار کراونەتەوە، کە ئاگرەکە لە پوش و پەڵاشی گەڕەکی ئەیلوول لە قەزای ناوەندی سۆران کەوتووەتەوە.
ئاماژەی بەوەکردووە، تیمەکەیان دەستبەجێ گەیشتوونەتە شوێنی ئاگرکەوتنەوەکە و توانیویانە ئاگرەکە بکوژێننەوە و رێگری بکەن لە تەشەنەسەندی.
ئەوەشخراوەتە ڕوو، لە دوای لێکۆڵینەوە لە رووداوەکە هۆکاری ئاگرکەوتنەوەکە نەزانراوە هاوکات لەو رووداوەدا هیچ زیانێکی گیانی و ماددی بەدواوە نەبووە تەنها زیان بە سروشتیی ژینگەی ناوچەکە گەیشتووە.
