لیژنه‌ی دارایی په‌رله‌مان له‌باره‌ی مووچه‌وه‌ دڵنیایی ده‌دات

SNN-

سه‌رۆكی لیژنه‌ی دارایی پەرلەمانی عێراق رایگه‌یاند: پرسی دابەزینی نرخی نەوت زیادەڕۆی تێدا كراوە، كە ئەوەش كاریگەری لەسەر دابەشكردنی مووچە نابێت و لەكاتی خۆیدا بەبێ دواكەوتن دابەشدەكرێت.

عه‌توان عه‌توانی، سه‌رۆكی لیژنه‌ی دارایی پەرلەمانی عێراق رایگەیاند: پێشتر و لەكاتی ئامادەكردنی بودجه‌، نرخی یەك به‌رمیل نەوت بە (70) دۆلار ئەژمار كراوە، بەڵام ئێستا ئەوە ئێستا كێشە دروست ناكات و داهاتی نه‌وت بەئەو نرخە گه‌یشتوه‌ته (120) تریلیۆن دینار، كە مووچه‌ی مووچه‌خۆرانی پێ دابین دەكرێت.

دەشڵێت:”ئه‌گه‌ر نرخی نەوت بردەوام بێت لەدابەزین و نرخەكەی ببێت بە (60) دۆلار، كاریگه‌ری له‌سه‌ر موچه‌ نابێت، هەروەك وتیشی: بۆ زیادكردنی داهات، هەوڵ هەیە كە داهاتی نا نه‌وتی زیاد بكرێت، بە ئامانجی گه‌شه‌سه‌ندنی به‌رده‌وام”.

” لیژنه‌ی دارایی به‌رده‌وام ده‌بێت له‌ میوانداریكردنی وه‌زیره‌كان، هه‌روه‌ها میوانداری ته‌یف سامی وه‌زیری دارایی ده‌كرێت بۆ پێداچونه‌وه‌ به‌و جێگره‌وانه‌ی كه‌ ده‌توانرێت بۆ بودجه‌ و داهاته‌ نانه‌وتییه‌كان نه‌وتییه‌كان به‌هێزبكرێن” عەتوان عەتوانی وادەڵێت.