بەهۆی تەقینەوەی ئامێرەکانی پەیوەندیکردنیان لە لوبنان دەیان چەکداری حیزبو*ڵڵا برینداربوون
بەهۆی تەقینەوەی ئامێرەکانی پەیوەندیکردنیان لە لوبنان دەیان چەکداری حیزبو*ڵڵا برینداربوون و ئاژانسی میھری ئێرانیش” رایگەیاند، باڵیۆزی ئێران لە تەقینەوەکانی لوبنان برینداربووە.
دەیان چەکداری حیزبووڵڵای لوبنان بەهۆی تەقینەوەی ئامێرەکانی پەیوەندیکردنیان لە باشووری بەیروت برینداربوون.
ژمارەیەک ئامێری ئەلیکترۆنی کە بۆ نامەناردن و ئاگادارکردنەوە بەکاردێن، لە لوبنان تەقینەوە و دەیان کەس لە چەکدارانی حیزبوڵڵا بریندار بوون.
ئاژانسی فرانس پرێسی لە زاری سەرچاوەیەکی ناو گروپەکەوە بڵاویکردووەتەوە کە تەقینەوەی ئامێرەکان بەهۆی هێرشی ئەلیکترۆنیی ئیسرائیلەوە بووە.
ئامێرەکان پێیان دەگوترێت “پەیجەر”، بە زۆری لە کۆتایی ساڵانی نەوەدەکان و سەرەتای دوو هەزارەکان پێش کەوتنەبازاڕی مۆبایل بەشێوەیەکی فراوان، بەکاردەهێندران.
ئاژانسی هەواڵیی لوبنانی ئاماژەی بەوەکردووە کە تەقینەوەکان لە باشووری بەیروت کە بە شوێنی سەرەکیی چەکدارانی حیزبوڵڵا دادەنرێت و ژمارەیەک ناوچەی دیکەی لوبنان روویانداوە و دەیان بریندار بەهۆی تەقینەوەکەوە گواستراونەتەوە نەخۆشخانە.
