مەسک دەرفەتی گەشتکردن بۆ سەر مەریخ بۆ هاووڵاتیان دەڕەخسێنێت
ئیلۆن مەسک
ئیلۆن ماسك یەکێک لە گەورە ملیاردێری ئه‌مریكی، رایگەیاندووە كۆمپانیاكه‌یان (سپه‌یس ئێكس) له‌هه‌وڵدایه بۆئه‌وه‌ی بتوانێت له داهاتودا ده‌رفه‌تی گه‌شتكردن بۆ هه‌ساره‌ی مه‌ریخ بۆ هه‌مووان بڕەخسێنێت.
ئەمڕۆ هەینی، ئیلۆم مەسک ملیاردێری ئەمریکی لە تویتێکدا بۆ پۆستێکی تیێری بریتۆن کۆمیساری تازە خانەنشینکراوی ئەوروپا کە لەبارەی ئەوەی ئایا بلیتی گەشتکردن بۆ سەر مەریخ ماوە، مەسک لە تویتەکەدا نوسیوویەتی سپەیس ئێکس لە هەوڵدایە گەشتێک بۆ مەریخ بۆ هاووڵاتیان بڕەخسێنێت، ئەمەش وەک گەشتێکی درێژخایەنی دەریایی دەبێت، وەک ئەوەی لە سەدەکانی رابردوودا هەبووە.
ناوبراو لە تۆڕی کۆمەڵایەتی ئێکس پێشتر ئاشکرایکردبوو، یەکەم گەشتی ئاسمانی لە ماوەی دوو ساڵدا دەبێت بۆ چوونە سەر هەسارەی مەریخ، بەڵام ئەم گەشتە بێسەرنشین دەبێت و تاقیکردنەوە دەبێت، ئەگەر سەرکەوتوو بوو ئەوا دوای چوار ساڵ گەشتەکە بە سەرنشینەوە ئەنجام دەدرێت.
لەلایەکی ترەوە، مەسک بەردەوامە لە کارە سەرنجڕاکێشەکانی و لە نوێترین کاریدا ئینتەرنێتی مانگی دەستکردنی بۆ یەمەن دابینکرد، بەگوێرەی میدیا ئەمریکییەکان، ئیلۆن مەسک ملیاردێری جیھان و ئەمریکا، کۆمپانیای ستارلینکی ئیلۆن مەسک خستنەبازاڕی ئینتەرنێتی مانگی دەستکردی لە یەمەن ڕاگەیاند، بەمەش دەبێتە یەکەم وڵات لە ڕۆژھەڵاتی ناوەڕاست کە ئەم خزمەتگوزارییە بەدەستبھێنێت.
