پزشکیان: ئەمڕۆ هیچ شەیتانێک ناوێرێت هێرش بکاتە سەر ئێران

SNN

مەسعود پزشکیان، سەرۆک کۆمار، لە کاتی نمایشی هێزە چەکدارەکان بە بۆنەی دەسپێکی حەفتەی بەرگریی پیرۆز لە نزیک مەزارگەی دامەزرێنەری گەورەی شۆڕشی ئیسلامی، رایگەیاند، ئەمڕۆ ئێمەین بەختەوەر بە بوونی فەرماندە و سەرباز و دەریاوانەکان کە دەسەڵاتمان لە هەوا و لەسەر زەوی بەهێز دەکەن.

سەرۆک کۆمار ئاماژەی بەوەشکرد: ئەمڕۆ بە توندی بە جیهان ڕادەگەیەنین کە جگە لە بەرگریکردن لە وڵاتەکەمان، بە یەکڕیزی و یەکگرتوویی نێوان وڵاتانی ئیسلامی، دەتوانین ناوچەکەمان لە ئارامی و ئاسایشدا بهێڵینەوە و شەرەف و شانازی خۆمان بە جیهان نیشان بدەین.

وتیشی: بەم هاوپەیمانییە دەتوانین ئیسرائیلی قۆرخکار و خوێنمژ و تاوانبار لە شوێنی خۆی دامرکێنین، کە ڕەحم بە پیاو و ژن و منداڵ ناکات. ئەگەر یەکڕیزیمان هەبێت و دەستمان یەک بخەین، ئیسرائیل ناتوانێت درێژە بە تاوانەکانی بدات.

سەرۆک کۆمار زیادی کرد: ئەمڕۆ دەسەڵاتی بەرگریی ئێرانی ئیسلامی لە بواری بەرگری و خۆپاراستن بە ئاستێک گەشەی کردووە کە هیچ شەیتانێک تەنانەت ناوێرێت بیر لە هێرش بۆ سەر ئێران بکاتەوە.