“هەوڵدەدەین پێش هاتنی وەرزی سەرما بەغدا نەوت بۆ هاووڵاتیانی هەرێم بنێرێت”
نەوتی سپی
SNN
فراكسیۆنی یەكێتیی نیشتمانی كوردستان لە پەرلەمانی عیراق ، داوایان لە وەزارەتی نەوتی عێراق كردووە نەوتی سپی بۆ هاوڵاتییانی هەرێم دابین بكات و ئەوانیش وەڵامیان ئیجابی بووە.
غەریب ئەحمەد ، ئەندامی ئەنجومەنی نوێنەرانی عێراق لە فراكسیۆنی یەكێتیی نیشتمانی كوردستان رایگەیاند، لە چوارچێوەی هەوڵەكانمان بۆ دەستەبەركردنی ماف و شایستەكانی هاوڵاتییانی هەرێم لە بەغدا، قسەمان لەگەڵ بەرپرسانی وەزارەتی نەوتی عێراق كردووە و بە نووسراوی رەسمیش داوامانلێكردوون پێش هاتنی وەرزی سەرما بەشە نەوتی سپی هاووڵاتییانی هەرێم بنێرێت.
ئاشكراشیكرد، ئەوان وەڵامەكانیان ئیجابی بووە، چاوەڕێین پێش هاتنی وەرزی زستان ئەو بڕە نەوتە بۆ هەرێمی كوردستان بنێرن.
