کەشناسی: ئەمڕۆ و سبەینێش باران بارین بەرادەوام دەبێت

SNN-

کەشناسی هەرێمی کوردستان کەشوهەوای ئەمڕۆ و سبەینێی بڵاوکردەوە و رایگەیاند، بارانبارین بەردەوام دەبێت و پلەکانی گەرماش بەرزدەبنەوە.

بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە کە ئەمڕۆ شەممە 21ی ئەیلولی 2024، ئاسمان لە نێوان نیمچە هەور بۆ هەوری تەواو دەبێت پێشبینی بارینی نمە باران و تاوە باران دەکرێت بەتایبەتی لە پارێزگای دهۆک و ناوچە شاخاوییەکانی سەر بە پارێزگای هەولێر و لە پارێزگای سلێمانی و کەرکوک و هەڵەبجە پەڵە هەور و نیمچە هەور دەبێت.

هەروەها سبەی یەکشەممە 22ی ئەیلولی 2024، ئاسمان ساماڵ دەبێت لەگەڵ دروسبوونی هەندێ پەڵە هەوری جیا جیا، لە ناوچە شاخاوییەکانی سەر بە پارێزگای دهۆک هەوری تەواو دەبێت هەندێکجار نمە بارانی لەگەڵدایە و پلەکانی گەرماش بەرز دەبێتەوە بە (3-2) پلەی سیلیزی بە بەراورد بە تۆمارکراوەکانی ئەمڕۆ.

بەرزترین پلەکانی گەرمای پێشبینیکراو بە پلەی سیلیزی :
هەولێر : 35
سلێمانی : 34
دهۆک : 33
کەرکوک : 40
هەڵەبجە : 36
زاخۆ :33
سۆران : 31
حاجی ئۆمەران : 22
گەرمیان : 41