کانێکی خەڵوز لە ئێران تەقییەوە و 28 کەس گیانیان لەدەستدا

SNN-

تەقینەوەیەک لە کانێکی خەڵووز لە ئێران روویدا و بەهۆیەوە 28 کەس گیانیانلەدەستدا و 17 کەسی دیکەش بریندارن ژمارەیەک کرێکاریش بێسەروشوێنن.

ئاژانسی ئیرنای ئێرانی بڵاویکردوەتەوە، درەنگانی شەوی رابردو کانێکی خەڵوز لە رۆژهەڵاتی ئێران تەقیوەتەوە و لانیکەم 19 کەس گیانیان لەدەستداوە و 17 کەسی دیکەش بریندار بون و 24 کرێکاریش چارەنوسیان نادیارە.

ئاژانسەکە ئاماژەی بەوەشکردووە کە تەقینەوەی کانە خەڵوزەکە بەهۆی دزەکردنی گازی میسان رویداوە.

بەپێی زانیارییەکانی ئاژانسی ئیرنا،ژمارەی ئەو کرێکارانەی لەو کانە خەڵوزەدا کاریان کردووە 69 کرێکار بوون.