زەنگی نوێی ساڵی خوێندن لە هەرێمی کوردستان لێدرا

SNN-
مەسرور بارزانی، سەرۆکی حکومەتی هەرێمی کوردستان لە مەراسیمی دەستپێکی ساڵی نوێی خوێندنی 2024-2025 لە قەزای کۆیە زەنگی ساڵی نوێی خوێندنی لێدا.

ئالان حەمەسەعید، وەزیری پەروەردەی حکومەتی هەرێمی کوردستان ڕایگەیاند، لە قۆناغی یەکەمدا 300 ملیۆن دینار تەرخان کرابوو بۆ نۆژەنکردنەوەی چەند قوتابخانەیەک لە قۆناغی نۆژەنکردنەوەی قوتابخانە بەردەوام دەبێت.

ساڵی نوێی خوێندنی بە بەشداریی زیاتر لە یەک ملیۆن و 720 هەزار قوتابیی قوتابخانە حکوومەتی و زیاتر لە 132 هەزار قوتابیی قوتابخانە ناحکوومەتییەکان دەستپێ دەکات.

ئەمڕۆ دەستپێکی ساڵی نوێی خوێندن لە 25ی ئەیلوول هاوکاتە لەگەڵ ساڵیادی ڕیفراندۆم و یەکەم ڕۆژی بانگەشەی هەڵبژاردنی پەرلەمانی کوردستان.

هەروەها بەپێی ئامارەکانی سنووری بەڕێوەبەرایەتی گشتی پەروەردەی سلێمانی، بۆ ئەمساڵی خوێندن 27115 قوتابی لە پۆلی یەکەم دەخوێنن، بە کۆی گشتی 393566 خوێندکار لە سنووری بەڕێوەبەرایەتییەکە هەیە.

هەر بەپێی ئامارەکە، هەزار و 525 قوتابخانە و خوێندنگا لە سنووری پارێزگای سلێمانی هەیە، کە هەزار و 410 خوێندنگایان حکومین، حکومەت و وەزارەتی پەروەردە توانای دروستکردنی قوتابخانە و خوێندنگایان نییە، بەڵام ژوور دروست دەکەن لە قوتابخانەکاندا.

لە ئامارەکانی سنووری بەڕێوەبەرایەتی سلێمانی ئاماژە بەوەکراوە، کە بۆ ئەمساڵ 126 ژوورمان دروستکردووە لە هەرێمی کوردستان، کە زیاتر لە ملیۆنێک و 600 هەزار قوتابی و خوێندکار هەیە.