نوێترین زانیاری لەسەر كۆبوونەوەكانی لیژنەی دارایی هەرێم و عێراق لە هەولێر

SNN-عەلی حەمە سەعید

دوای ئەوەی ئێوارەی دوێنێ‌ شاندێك بەسەرۆكایەتی سەرۆكی ئەندامێكی لیژنەی دارایی پەرلەمانی عێراق گەیشتنە هەولێر، لە ئەمڕۆوە كۆبوونەوەكانیان لەگەڵ لایەنە پەویەندیدارەكانی وەزارەتی دارایی هەرێم دەستبە كۆبوونەوە دەكەن و پرسی لیستی مووچە تەوەری سەرەكی دەبێت.

بەگوێرەی زانیارییەكانی SNNكە لەبەرپرسێكی وەزارەتی دارایی وەریگرتوون ئەوەخراوەتەڕوو، شاندەكەی لیژنەی دارایی عێراق بە سەرۆكایەتی ( عەتوان عەتوانی) سەرۆكی لیژنەی ئابوری لە ئەمڕۆوە دەستدەكەن بە كۆبوونەوەكانیان لەگەڵ بەرپرسانی باڵای وەزارەتی دارایی و بەرپرسانی دیكەی حكومەتی هەرێم كە پەیوەستن بە بابەتی دارایی و ئامادەكردنی لیستی مووچەی فەرمانبەران.

ئاماژە بەوەشكراوە، تەوەری سەرەكی كۆبوونەوەكان بریتی دەبێت لە لێكۆڵینەوە لەو داواكارییانەی كە وەزارەتی دارایی عێراق ئاراستەی وەزارەتی دارایی و ئابوری حكومەتی هەرێمی كردووە لەبارەی ئامادەكردنی لیستی مووچە بەو شێوازی كە لەلایەن وەزارەتی دارایی عێراق داواكراوە، هاوكات لیستی مووچەی مانگەكانی هەشت و نۆی مووچەخۆران بەو جۆرە ئامادە كراوە كە تێبینییەكانی چاودێریی دارایی عێراق تێیدا رەچاو كراون.

هەرلە زانیارییەكانی SNNئەوەشهاتووە كە، حكومەتی عێراق لە ناردنی مووچەی مووچەخۆرانی هەرێمی كوردستان بەردەوام دەبێت، بەڵام بەشێك لە هۆكاری دواكەوتنی مووچەی مووچەخۆرانی هەرێمی كوردستان بۆ ئەوە دەگەڕێتەوە كە حكومەتی هەرێمی كوردستان درەنگ لیستی مووچە رەوانەی وەزارەتی دارایی عێراق دەكات، بۆیە شاندەكەی لیژنەی دارایی داوا لە بەرپرسانی وەزارەتی دارایی هەرێم دەكەن ئەو گرفتەش چارەسەر بكەن.