لیژنەی دارایی پەرلەمانی عێراق: لەگەڵ حکومەتى هەرێمى کوردستان رێککەوتووین پێداچوونەوە بە گرێبەستە نەوتییەکاندا بکرێت

SNN-

سەرۆكی لیژنەی دارایی پەرلەمانی عێراق رایگەیاند، لەگەڵ حکومەتی هەرێم سورین لەسەر چارەسەرکردنی کێشەکان، دەخوازین ئەم ساڵ ساڵی یەکلاکردنەوەی خاڵە ناکۆکەکانی نێوان هەولێر و بەغداد بێت

عەتوان عەتوانی، سەرۆكی لیژنەی درایی پەرلەمانی عێراق لە كۆنگرەیەكی رۆژنامەوانیدا رایگەیاند، حکومەتی فیدراڵ پابەندە بە ڕادەستکردنی مووچە بەپێی ئەو مادانەی لە بودجەدا هاتووەو، لیژنەی دارایی بەدواداچوون بۆ ئەم بابەتە دەكات.

دەشڵێت:”نیازێکی راستگۆیانەو پاك هەیە لەلایەن حکومەتی هەرێمی کوردستان لەبارەی بۆ گفتوگۆکردن و گەیشتن بە خاڵی هاوبەش، بۆ چارەسەرکردنی سەرجەم کێشەکان، هەروەها لەگەڵ بەرپرسانی حکومەتی هەرێم باسمان لە پرسی نەوت، دامەزراندن، پارەدارکردن بۆ دامەزراندن و داهاتی نانەوتی کردووە”.

دەشڵێت:”لەگەڵ حکومەتی هەرێم سورین لەسەر چارەسەرکردنی کێشەکان و هیوادراین بە بانکیکردنی مووچەخۆران تەواو بێت، ئەو ڕێژەی ئێستا تۆمار کراوە بە ئاراستەیەکی تەواو و دروستە و، پێویستە سەرجەم مووچەخۆران م٣وچەکانیان بە بانکیبکرێت”.

سەرۆکی لیژنەی دارایی پەرلەمانی عێراق ئاماژەی بەوەشکرد، هیواخوازن ئەم ساڵ ساڵی یەکلاکردنەوەی خاڵە ناکۆکەکانی نێوان هەولێر و بەغداد بێت و گەشبینین و دەمانەوێت ساڵی(2025)ساڵی هاوبەشی بێت لە هەموو شتێک.