سودانی: پەیوەندییەکانمان لەگەڵ حکومەتی هەرێم بەهێز دەکەین

SNN-

سەرۆکوەزیرانی عێراق رایگەیاند: ئێستا سەرقاڵی ئامادەکارین بۆ ئەنجامدانی هەڵبژاردنی پەرلەمانی کوردستان،دەشڵێت:”پەیوەندییەکانمان لەگەڵ حکومەتی هەرێم بەهێزتر دەکەن”.

محمەد شیاع سودانی، لە وتارێکدا کۆبونەوەی کۆمەڵەی گشتی نەتەوە یەکگرتەوەکان لە ئەمریکا، رایگەیاند، هەوڵەکانیان بەردەوامن بۆ بە هێزکردنی پەیوەدندیەکانیان لەگەڵ هەرێمی کوردستان لە چوارچێوەی دەستور و یاسادا.

دەشڵێت:” لە چوارچێوەی پەرەپێدانی پڕۆسەی دیموکراسی، ئێستادا خەریکی ئامادەکارین بۆ ئەنجامدانی هەڵبژاردنی پەرلەمانی کوردستان”.

سودانی وتیشی: لە دوای 10 ساڵ توانیان هەڵبژاردنی ئەنجومەنی پارێزگاکان ئەنجامبدەن کە لە ساڵی 2005ەوە لە پارێزگای کەرکوک ئەنجام نەدرابوو ئەمەشی وەک سەرکەوتنێک بۆ پڕۆسەی چاکسازی و برەودان بە دیموکراسی وەسف کرد.

لەبارەی دۆخی فەڵەستینیش سودانی رایگەیاند، ئەنجومەنی ئاسایش نەیتوانیوە گرنگترین ئامانجەکانی خۆی جێبەجێبکات، کە پاراستنی ئاشتی و ئاسایشی نێودەوڵەتییە، فەلەستین لەلایەن هێزێکی سەربازی داگیرکەرەوە هێرش دەکرێتەسەری و بەبێ ڕێگریکردن ملیۆنان کەس ئاوارە دەکات و هەزاران کەسیش دەکوژێت و بە ئاشکرا باسی برسێتی بەکۆمەڵ دەکرێت بۆ قڕکردنی ئەم گەلە.