رەشەبا بەهێزەکەی سلێمانی کەی کۆتایی دێت؟

SNN

شارەزایەکی کەشناسی کاتی کۆتاییهاتنی رەشەباکەی سلێمانی ئاشکرادەکات و دەڵێت:ئەو خێرایی بایەی ئێستا کە هەیە ئەمشەو ھەینی لەسەر شەممە بۆ شەوی شەممە لەسەر یەکشەممە چالاکتر ئەبێت و نیوەڕۆی دووشەممە کۆتایی دێت.

ئاراس جەبار، شارەزای کەشناسی بڵاویکردووەتەوە کە خێرای با ئێستا لە سلێمانی چالاکە لەنێوان 18-35کم لە کاتژمێرێکدا ئەمشەو ھەینی لەسەر شەممە بۆ شەوی شەممە لەسەر یەکشەممە چالاکتر ئەبێت لەنێوان 20 تا 50کم زیاتر لە کاتژمێرێکدا لە ئێوارەی یەکشەممەوە کەمدەبێتەوە و نیوەرۆی دووشەممە کۆتایی دێت.

دەشڵێت:”دوای ئەم بایە ئەگەر ھەیە کۆتای ئەم ھەفتە بەتایبەت 2/10/2024 کەشێکی ناجێگیری خێرایی بە بروسکە و باران لە ئەوروپاوە بۆ تورکیا و ناراستەوخۆ بۆ سەر ھەرێم کاریگەری ببێت ئەو حاڵەتانەش ھەموو شوێنێ ناگرێتەوە، بەڵام چاوەروانی بارانی بەھێز و لافاویشی لێدەکرێ لە مەجالێکی کەمدا لەسەر رووبەرێکی کەم ھەورێکی ستونی کەڵەکە بەبەھێزی گەشەبکات و تەرزە و بارانێکی زۆری لێببارێت”.

ئەو شارەزایەی کەشناسی دەشڵێت:”لەکاتێکدا ناوچەی دراوسێ و نزیکتر لەم شوێنە بارانیش نەبارێت یان کەمبێت وەک بەشێک لە حاڵەتە باوەکانی وەرزی بەھار و سەرەتای پایز کە ئەم جۆرە بارانانە ھەیە کاتێک پلەی گەرمی شوێنەکان و شێ و پەستانی ھەوا ناجێگیرن کە لەیەک شوێندا دۆخەکە لەبار ئەبێت ھەموو ھەواکە کۆدەبێتەوە بەسەر شارێکدا یان شاخێکدا توندترین شێوازی کەش و ھەوا دروستەکات لەماوەیەکی خێرا و کورتدا”.