داهاتی نانەوتی ئەم هەفتەیەی سلێمانی 10 ملیار دینار زیادیکردووە

SNN-
ماڵپەڕی شەفافییەت داهاتە نانەوتییەكانی ئەم هەفتەیەی سنووری سلێمانی و هەڵەبجە و هەردوو ئیدارەی راپەڕین و گەرمیان بڵاوكردەوە و دەڵێت:” زیاتر لە 20 ملیار دینارە و بەراورد بە ھەفتەی رابردوو 10 ملیار دینار زیادیکردووە”.

لە ئامارەكەی ماڵپەڕی شەفافییەتدا هاتووە کە داهاتی نانەوتیی سنووری سلێمانی و هەڵەبجە و هەردوو ئیدارەی راپەڕین و گەرمیان لە 21-9-2024 تا 27-9-2024، بڕی 20 ملیارو 264 ملیۆن و 890 هەزارو 147 دینار بووە، بەراورد بە ھەفتەی رابردوو بە بڕی 10 ملیار دینار واتە بەڕێژەی 67% زیادیکردووە.

ئاماژەی بەوەشکردووە، داھاتی نانەوتی ئەم ھەفتەیە، 93%ی نەختینە و 7%ی چەک بووە.

هەر بەپێی ئامارەكە داهاتی ئەم هەفتەیە بەراورد بە هەفتەی پێشتر بە رێژەی 99.4% و بە بڕی نزیكەی 10 ملیار دینار زیادیكردووە.