عێراق دەستبە دابەشکردنی مووچەی مانگی 10 دەکات

SNN

وەزارەتی دارایی عێراق رێکارەکانی تەواوکردنی مووچەی خانەنشینانی عێراقی تەواو کردووە و ئەمڕۆ لە رێگەی کورتە نامەوە خانەنشینان ئاگادار دەکرێنەوە بۆ وەرگرتنی مووچەکانیان.

ئەمڕۆ سێشەممە 1ی تشرینی یەکەم، حەسام عەبدولستار، جێگری سەرۆکی دەستەی خانەنشینانی عێراق بە ئاژانسی ئەنبای عێراقی راگەیاندووە، رێکارەکانی تەواوکردنی مووچەی خانەنشینانی سەربازی و مەدەنی عێراقی بۆ مانگی تشرینی یەکەم تەواو بووە و ئەمڕۆ خانەنشینان لە رێگەی کورتەنامەوە ئاگادار دەکرێنەوە، تاکو بچنە ئەو بانکە ناویانی تێدایە مووچەکانیان وەربگرن.

هەر ئەمڕۆ رێباز حەملان، راوێژکاری سەرۆکوەزیرانی هەرێمی کوردستان لە کۆنگرەیەکی رۆژنامەوانیدا لە بارەی مووچەی مانگی هەشتەوە رایگەیاندبوو، تاوه‌كو ئێستا ته‌واوكه‌ری مووچه‌ی مانگی ئابی نه‌ناردوه‌ و تاوه‌كو ئه‌و پاره‌یه‌ش نه‌نێردرێت ده‌ست به‌دابه‌شكردنی مووچه‌ ناكرێت.

ئاماژەی بەوەکردبوو، “ده‌بوو سه‌ره‌تای ئه‌م مانگه‌ مووچه‌ی ته‌واوكاری مانگی ئاب بنێردرایه‌، به‌ڵام تا ئێستا نه‌هاتووه‌ و هیواداریشین ئه‌مڕۆ بینێرن”.