هێزەكانی زێرەڤانی پارتی لە هەولێر هاووڵاتییەك دەكوژن كە بەنیازبووە خانوو دروستبكات
کوشتن
SNN-عەلی حەمە سەعید
سەر لەئێوارەی ئەمڕۆ پێنج شەممە هێزەكانی زێرەڤانی سەر بەپارتی دیموكراتی كوردستان لە كۆمەڵگای كۆڕەك لە شاری هەولێر هێرش دەكەنە سەر هاووڵاتییەك كە بەنیاز بووە خانوو دروستبكات هاوكات كەسێكی دیكەشیان بریندار كردووە.
بەگوێرەی زانیارییەكانی SNNسەر لە ئێورەی ئەمڕۆ هێزەكانی زێرەڤانی سەر بە پارتی دیموكراتی كوردستان هێرشە دەكەنە سەر هاووڵاتیانی كۆمەڵگای كۆڕەك لە شاری هەولێر، ئەوەش بەمەبەستی ئەوەی ڕێگری بكەن لە دروستكردنی خانوو لەلایەن هاووڵاتیانی ئەو كۆمەڵگایەوە.
ئاماژە بەوەشكراوە، لەگەڵ گەیشتنی هێزەكانی زێرەڤانی، دانیشتووانی ئەو كۆمەڵگایە ڕووبەڕوویان بوونەتەوە و داوایان لێكردوون كە گرفتیان بۆ دروستنەكەن، بەلام بەبێ گێدانە داواكاری دانیشتووانی كۆمەڵگاكە دەسایان بە تەقەكردن كردووە و بەهۆیەوە هاووڵاتییەك كوژراوە كە بەنیاز بووە خانوو دروستبكات.
هەر لە زانیارییەكانی SNNئەوەشهاتووە هەر بە هۆی تەقەی هێزەكانی زێرەڤانی جگە لەوەی هاووڵاتییەك گیانی لەدەستداوە هاووڵاتییەكی دیكەش بریندار بووە، هاوكات هاووڵاتیانی ئەو كۆمەڵگایەش بێزاری خۆیان لە هاتنی ئەو هێزانەی زێرەڤانی ڕاگەیاندووە.
