چارەنوسی جێگرەوەی نەسروڵڵا نادیارە کە بەیانی ئەمڕۆ ئیسرائیل پێگەکەی بۆردوومانکرد
بۆردومانکردنی پێگەکانی حزبوڵڵا
SNN
بەرەبەیانی ئەمڕۆ سوپای ئیسرائیل بە چری شوێنی هاشم سەفیەدین کە بە جێگرەوەی حەسەن نەسروڵڵا دادەنرێت بۆردومانکرد، بۆردومانکردنەکەیان لە کاتێکدایە هاشم لەگەڵ چەند گەورە بەرپرسێکی حزبوڵڵا لە ژێرزەوی لە کۆبوونەوەدابوون، تا ئێستاش چارەنووسیان نادیارە
میدیاکانی ئیسرائیل و ئەمریکا بڵاویانکردووەتەوە، ھاشم سەفیەدین کە بڕیاربوو ببێتە جێگرەوەی حەسەن نەسروڵا، لەکاتی کۆبوونەوەیەکیدا لەناو بارەگایەکی نھێنی حزبوڵا کە دەیان مەتر لە ژێر زەویدا بووە، لەلایەن ئیسرائیلیەوە کراونەتە ئامانج و تائێستا چارەنووسیان نادیارە.
میدیا عەرەبییەکانیش ڤیدیۆی ساتی بۆردوومانکردنی ئەو شوێنەی هاشم تێیدا کۆبووەوەتەوە بڵاوکردووەتەوە، کە چۆن ئاگر لە ژێرزەوییەکەوە دەردەچێت و تەواوی ئەو شوێنە وێران دەکات، هاوکات تا ئێستاش حزبوڵڵا بە فەرمی مردنی ئەو سەرکردەیەی رانەگەیاندووە.
Islamic Republic of Iran state media has released this CCTV footage that it says is of the Israeli airstrike that killed Hassan Nasrallah. pic.twitter.com/W9cvTgpjoZ
— Yashar Ali 🐘 (@yashar) October 3, 2024
