یەکێتی تۆپی پێی ئەوروپا هەنگاوێکی ماوە بڕیارە چاوەڕوان نەکراوەکە بدات
یۆفا
SNN Sport
یەکێتی تۆپی پێی ئەوروپا هەنگاوێکی ماوە بڕیارێکی چاوەڕوان نەکراو بدات و یارییەکانی داهاتووی خولی یانە پاڵەوانەکانی ئەوروپای ئەم وەرزە لە تورکیاوە بۆ پۆرتوگال بگوازێتەوە.
بڕیاربوو یاری کۆتایی خولی یانە پاڵەوانەکانی ئەوروپای ئەم وەرزە لە شاری ئیستانبوڵی تورکیا ئەنجام بدرێت، بەڵام بەهۆی مەترسی ڤایرۆسی کۆرۆنا لە تورکیا، یۆفا دیەوێت هەموو هەموو یارییەکانی چارەکی کۆتایی و قۆناغی پێش کۆتایی و یاری کۆتایی بۆ شاری لیشبوونەی پۆرتوگالی بگوازێتەوە کە ئەم شارە لە ئێستادا مەترسییەکی ئەوتۆی بۆ ڤایرۆسەکە نییە.
رۆژنامەی مۆندۆ دیپۆرتیڤۆ بڵاویکردووەتەوە، یۆفا دەیەوێت گشت یارییەکان بە یەک یاری ئەنجام بدات و یاری چوون و هاتن لە خولەکە نەهێڵێت و لە 17ی ئەم مانگە بڕیاری کۆتایی لەسەر دەدات.
ئەم بڕیارەی یۆفا لە کاتێکدایە، خولەکانی ئینگلتەرا، ئیسپانیاو ئیتاڵیا بڕیاری دەستپێکردنەوەیان لەم مانگە دراوەو خولی ئەڵمانی بەفەرمی دەستیپێکردووەتەوە، بەڵام خولی فەرەنسا هەڵوەشاوەتەوە.
