نوێترین زانیاریی لەبارەی تەقاندنەوەی ئامێری پەیجەرەکانی حزبوڵا

SNN

 میدیا ئیسرائیلییەکان ئاشکرایدەکەن، وڵاتەکەیان بۆ ماوەی نۆ ساڵ پالی داڕشتووە بۆ ئەوەی ئەو ئامێرانە بچنە دەست پیاوانی حزبوڵا و لە کاتی گونجاویشدا تەقاندویەتییەوە.

رۆژنامەی واشنتن پۆستی ئەمریکی کە لە هەواڵگرییە ئیسرائیلییەکانەوە زانیارییەکانی بەدەست گەیشتووە ئاشکرایکردووە، ماوەیەکی زۆر حزبوڵا بەدوای جێگرەوەی ئامێرە ئەلیکترۆنیەکانی پەیوەندیدا گەڕاوە بە جۆرێک شوێنگەڕانی تێدا نەبێت “جی پی ئێس”.

دوابەدوای ئەوە مۆساد توانیویەتی دیزاینی چەند ئامێرێک بکات و لە ساڵی 2015دا ئامێری واکی تۆکی بباتە لوبنان بۆ ئەوەی پیاوانی حزبوڵا ئەو ئامێرە بەکاربهێنن.

رۆژنامەکە ئەوەی خستووەتە ڕوو، ئیسرائیل بەدرێژایی نۆ ساڵ چاودێری پەیوەندییەکانی حزبوڵای کردووە و دواتر بژاردەی گۆڕینی ئامێرەکانی پەیوەندی ئامادەکردووە بۆ ئەوەی لە ھەر قەیرانێکدا بتوانێت دەستی پێیان بگات.

مۆساد توانیویەتی پێش حزبوڵا دەستی بەو ئەو ئامێرانە بگات لەرێی کۆمپانیا تایوانیەکەوە لەساڵی 2023 و مادەی تەقینەوەی تێدا چاندوون.