ئێران بە فەرمی چارەنوسی قائانی یەكلاكردەوە

SNN-

ئیرەج مەسجدی، جێگری فەرماندەی فەیلەقی قودسی سوپای پاسداران رایگەیاند: ئیسماعیل قائانی، فەرماندەی فەیلەقی قودس سەلامەتە و خەریکی خەریکی کار و چالاکیی رۆژانەیە.

لە یەكەم لێدوانی فەرمیدا لەبارەی چارەنوسی قائانی، ئاژانسی هەواڵی فارس لە زاری مەسجدییەوە بڵاویكردووەتەوە: زۆرێك پرسیاری ئەوە دەكەن سەردار قائانی چی بەسەرهاتووە؟ ئەو تەندروستی باشەو چالاكە.

دەشڵێت: هەندێك بە پێویستی دەزانن بەیاننامەیەكی فەرمی دەربكەین لەو بارەیەوە، بەیاننامەی بۆ چییە؟ هیچ پێویست بەوە ناكات”.

ئەوە بە یەكەم لێدوانی فەرمی بەرپرسێكی ئێران دادەنرێت لەبارەی چارەنوسی قائانی، بەتایبەت دوای بڵاوبونەوەی بچڕانی پەیوەندیكردن لەگەڵی، یان دەنگۆی كوژرانی لە گورزە ئاسمانیەكەی سەر بەیروت و كردنە ئامانجی هاشم سەفیەدین.