وتەبێژی هێزەكانی 70: بەبانكیكردن لە بانكە حكومییەكانی عێراق دەكەین

SNN-عەلی حەمەسەعید

وتەبێژی یەكەی 70ی هێزەكانی پێشمەرگە ئاماژە بەوەدەكات تائێستا هیچ یەكێك لە پێشمەرگەو ئەفسەر و كارمەندانی سەر بە یەكەی 70ی هێزی پێشمەرگە ناویان تۆمارنەكردووە لە پرۆژەی (هەژماری من) بۆیە بڕیارمانداوە بەبانكیكردنی مووچەخۆرانمان لەرێگەی بانكە حكومییەكانی عێراقەوە بكەین.

ئەحمەد لەتیف، وتەبێژی هێزەكانی یەكەی 70 بە SNNی رایگەیاند: ئێمە لە هێزەكانی یەكەی 70 تائێستا هیچ یەكێك لە پێشمەرگەو ئەفسەر و كارمەندانی سەر بە یەكەی 70ی هێزی پێشمەرگە ناویان تۆمارنەكردووە لە پرۆژەی (هەژماری من) بۆیە بڕیارمانداوە ئەو پرۆژەیە ڕەتبكەینەوە.

ئاماژەی بەوەشكرد، بڕیارمانداوە كە بۆ بەبانكیكردنی مووچەخۆرانمان لەرێگەی بانكە حكومییەكانی عێراقەوە بكەین، چونكە یەك مووچەخۆرمان نییە بەشداریی پرۆژەی (هەژماری من)ی كردبێت، بۆیە لەرێگەی بانكی حكومیی عێراقییەوە هەژماری بانكی بۆ مووچەخۆرانمان دەكەینەوە.

وتەكانی وتەبێژی هێزەكانی یەكەی 70 لەكاتێكدایە كە لەدوای پەیامەكەی ( بافل جەلال تاڵەبانی) سەرۆكی یەكێتیی نیشتمانیی كوردستان، دەیان یەكێتی و سەندیكای پیشەیی پشتویانی خۆیان بۆ هەوڵەكانی سەرۆكی یەكێتی دووپاتكردووەتەوە بۆ ئەوەی مووچەی فەرمانبەرانی هەرێم لەڕێگەی بانكە فیدراڵییەكانەوە ئەنجام بدرێت نەك پرۆژەی (هەژماری من).