سوپای ئیسڕائیل دەستی بەجوڵەی زەمینی کرد لە باشووری لوبنانەوە

SNN

ئەمڕۆ سێشەممە، سوپای ئیسڕائیل لە راگەیەندراوێکدا ئاماژە بەوەدەکات، کە دەستیان بە جوڵە کردووە بۆ چەند ناوچەیەکی باشووری لوبنان و جوڵەکانی سوپای ئیسڕائیل بۆ باشووری لوبنان سنووردار دەبێت و چەند ئامانجێکی حیزبوڵا دەکرێتە ئامانج.

سوپای ئیسڕائیل ئەوەش رووندەکاتەوە، بۆ ئۆپراسیۆنە سەبازییەکانی باشووری لوبنان، یەکەی 146ی سوپای ئیسڕائیل ئەنجامی دەدات، کە هێزێکی تایبەتی شەری کۆڵان بە کۆڵان و تەکتیکین و بۆ چەند ئامانجێکی حزیبوڵا دەرۆنە باشووری لوبنان، واتا ئۆپراسیۆنەکە بۆ چەند ئامانجێکی دیاریکراوە و دواتر هێزەکە دەکشێتەوە.

لای خۆشییەوە وڵاتی ئێران هۆشداری توندی بە ئیسڕائیل داوە کە هەر جوڵەیەکی سەربازی بەرەو خاکی لوبنان بکا، کاردانەوەی توندیان دەبێت و بە هەموو هێزو توانایان دووبارە هێرش دەکەنەوە سەر خاکی ئیسڕائیل.