هاووڵاتییانی عێراق دەتوانن هەشت جۆر قەرز و پێشینە لە حکومەت وەربگرن

SNN-

بانکی ناوەندی عێراق رایگەیاند: تەنیا لە چارەکی یەکەمی ئەمساڵدا، بانکەکانیان بڕی زیاتر لە 61 تریلیۆن دیناریان وەک قەرز و پێشینە داوەتە هاووڵاتییان.

لە راگەیەندراوێکدا بانکی ناوەندی عێراق بڵاویکردووەتەوە کە قەبارەی قەرز و پێشینەی بانکەکان لە چارەکی یەکەمی ئەمساڵدا 61 تریلیۆن و 700 ملیار دینارە، ئەمەش بەراورد بە هەمان ماوەی ساڵی رابردوو زیادیکردووە کە 50 تریلیۆن و 900 ملیار دینار بووە و لە کاتێکدا ساڵی 2022شدا 46 تریلیۆن و 400 ملیار دینار بووە.

هاووڵاتییانی پارێزگاکانی عێراق، دەتوانن بەفەرمی هەشت جۆر قەرز و پێشینە لە بانکەکان وەربگرن، کە بڕەکەی بەگشتی لە 3 ملیۆن بۆ 150 ملیۆن دینارە و ماوەی دانەوەشی لە 3 بۆ 15 ساڵە.