زانیاری نوێ لەبارەی دابەشكردنی مووچەی مانگی 9 مامۆستایانی گرێبەست

SNN-

کارۆخ عەبدوڵڵا، نوێنەری گشتی مامۆستایانی گرێبەست رایگەیاند، لەسەرەتای هەفتەی داهاتووە ڕۆژی یەکشەممە دەستدەکرێت بەدابەشکردنی شایستەی مانگی (6) ی مامۆستایانی گرێبەست ، لەسەرجەم پەروەردەکانی ( هەولێر ، سلێمانی ، دەهۆک ، گەرمیان ، هەڵەبجە ، زاخۆ ، سۆران ، ڕاپەڕین ) .

لەبارەی دابەشكردنی مووچەی مانگی 9 وتیشی:” دەربارەی مووچەی مانگی (9) ی مامۆستایانی گرێبەست لەگەڵ وەزارەتی پەروەردە دابەشدەکرێت بۆ ئەم مەبەستە کتابی فەڕمی کراوە بۆ ئەنجوومەنی وەزیران، بۆ ئەوەی تەمویلی پارەکەیان بکرێت لەڕێگای وەزارەتی دارایی بۆ بانکەکان بۆ ئەوەی مانگانە مووچەی مامۆستایانی گرێبەست لەگەڵ وەزارەتی پەروەردە دابەشبکرێت”

ئاماژەی بەوەشکرد، بۆ شایستەی مانگی (7،8) کە نیو مقطوتە دوای مووچەی مانگی نۆ لەفرسەتێکدا بەیەکەوە دابەشدەکرێت ، بۆیە ئەم شایستەیە نافەوتێت .

دەشڵێت: لەئێستا مامۆستایانی گرێبەست لەپەروەردەکان مامەڵەی گرێبەست ئەنجام دەدەن ، دوای تەواو بوونیان ڕاستەخۆ لەبانکەکان بایۆمەتری ، UPN بۆ دەکرێت .

ژمارەی مامۆستایانی گرێبەست لەهەرێمی کوردستان 37,933 مامۆستایە کە مووچەی مانگانەیان 400بۆ500 هەزارە وکۆی مووچەی مانگانەیان نزیکەی 18 ملیار دینارە .