تائێستا کۆرۆنا 127 رۆژنامەنووسی کوشتووە

SNN–

لەماوەی سێ مانگی رابردوودا بەهۆی ڤایرۆسی کۆرۆناوە 127 رۆژنامەنووس لە 31 وڵاتی جیا بەڤایرۆسی کۆرۆنا گیانیان لەدەستداوە.

رێکخراوی (پی ئی ئێس) کەرێکخراوێکی ناحکومییە و سەر بە نەتەوە یەکگرتووەکانە و بارەگاکەی لەشاری جنێف-ە، دەڵێت: “لەماوەی 1/3/2020 تا رۆژی 31 ئایاری ئەمساڵ 127 رۆژنامەنووس لە 31 وڵاتدا گیانیانلەدەستداوە بەکۆرۆنا و سێیەکیان لەکاتی رووماڵی رۆژانەدا تووشی پەتاکە بوون، تەنیا لە مانگی ئایاریشدا 72 یان لێ مردووە”.

بلیز لیمبین ئەمینداری رێکخراوەکە دەڵێت: “زۆربەی ئەو میدیکارانەی بوونەتە قوربانی، لەکاتی کاری رۆژانەدا پێداویستیی خۆپارێزییان بەکار نەهێناوە”.

بەپێی ئاماری رێکخراوەکە، لەوڵاتی پیرۆ لە ئەمریکای لاتینی زۆرترین مردن هەبووە لەڕیزی رۆژنامەنووسان کە 15 کەس بووە، دوتر بەرازیل و مەکسیک دێت کە 13یان لەوێ مردوون بەکۆرۆنا و لەئەمریکاش 12 و لەڕووسیاش 5 رۆژنامەنووس و میدیاکار گیانیانلەدەستداوە.