تورکیا، هەڵمەتی دەستگیرکردنی فەرماندە سەربازییەکان بەبیانوی پەیوەندیان لەگەڵ گولەن دەستپێکرد

SNN

داواکاری گشتی ئەستەبوڵ، فەرمانی دەستگیرکردنی بۆ 116 سەرباز و فەرماندەی تورکیا دەرکرد، کە پاش لێکۆڵینەوە دەرکەوتووە، پەیوەندیان لەگەڵ فەتحوڵا گولەن هەبووە، کە لە ساڵی 2016دا هەوڵی کودەتایەکیان لە تورکیا دا.

ئاژانی ئەنادۆڵ رایگەیاند: کە 72 گومانلێکراو دەستگیرکراوە، کە گومانی پەیوەندییان لێ دەکرێت لەگەڵ فەتحوڵا گولەن و بەشداریکردنیان لە کودەتا شکسخواردووەکەی تەمووزی 2016.

لە کودەتاکەی 2016 وە، 77 هەزار هاووڵاتی لە تورکیا دەستگیرکراوە، کە گومانی بەشداریکردنیان هەبووە لە کودەتاکەدا زۆربەیان ئەو کەسانەن کە لە کەرتی ئەمنی و سەربازی ئەو وڵاتە کاریانکردووە، هەندێکیان دادگای کراون و سزای یاسایی خۆیان وەرگرتووە، بەڵام هەندێکی دیکەیان تا ئێستا دادگای دەکرێن و سزای کۆتایی نەدراون.