کازمی بڕیاریدا مووچەی سەرۆکایەتییەکان و پلە تایبەتەکان کەمبکاتەوە

سەرۆکوەزیرانی عێراق بریاریدا مووچەی پلە تایبەت و سێ سەرۆکایەتییەکە (کۆمار و پەرلەمان و حکومەت)و خاوەن مووچە باڵاکان بەشێوەیەکی بەرچاو کەمبکاتەوە.

مستەفا کازمی راشیگەیاند “کە ئەو کەمکردنەوەیە خاوەن مووچە کەمەکان و خانەنشینان و ئەو فەرمانبەرانە ناگرێتەوە کە داهاتێکی سنوورداریان هەیە”.

سەرۆکوەزیرانی عێراق لە تویتێکیدا لە تۆڕی کۆمەڵایەتی تویتەر نووسیوێتی “رێگە نادەین قەیرانی ئابووری بەرۆکی فەرمانبەرە ئاساییەکان بگرێت و خانەنشینان و توێژی چاودێری کۆمەڵایەتیش لەو بڕیارە بەدەر دەبن”.

ئەوەشی نووسیوە “بڕیارەکە کەمکردنەوەی مووچەی سێ سەرۆکایەتییەکە و خاوەن پلە تایبەت و باڵاکان و دوو مووچە و سێ مووچەکانیش دەگرێتەوە و پێکەوە ئەم قەیرانە تێدەپەڕێنین”.