دوو کەس لە هەولێر بە ڤایرۆسی کۆڕۆنا گیانیانلەدەستداوە
پارێزگاری هەولێر
SNN- کۆچەر عەلی
فرسەت سۆفی پاریزگاری هەولێر ئەمڕۆ سێشەممە لە کۆنگرەیەکی رۆژنامەوانیدا رایگەیاند کە دوو کەس بەهۆی ڤایرۆسی کۆرۆناوە لە هەولێر گیانیانلەدەستداوە.
پارێزگاری هەولێر رایدەگەیەنێت: بەهۆی ڤایرۆسی کۆڕۆنا ئەمڕۆ لە هەولێر دوو کەس گیانیانلەدەستداوەو هاووڵاتیانی دیکەش بەهۆی ڤایرۆسی کۆرۆناوە ژیانیان لە مەترسیدایە، داوا لە هاووڵاتیان دەکات زیاتر پابەندی رێنماییە تەندروستییەکان بن.
پارێزگاری هەولێر لە کۆنگرە رۆژنامەوانییەکەدا ئاماژەی بەوەکرد، بۆ بەرژەوەندیی هاونیشتمانییان بە جێبەجێکردنی رێنمانییە تەندروستییەکان لە سبەی کاتژمێر 06:00ـی ئێوارەوە بازاڕ و شوێنە گشتییەکان دەکرێنەوە و قەدەخەی هاتووچۆ هەڵدەگیرێت.
ئاماژەی بەوەشکرد: “لە بەیانییەوە ئاسانکاری بۆ هاووڵاتیان دەکرێت و لە دوای کاتژمێر شەش بازاڕەکان دەکرێنەوە، بەڵام بە رێنمایی تازەو چاودێری خۆپارێزیش چڕ تر دەکرێنەوەو شوفێرانی تەکسیش دەتوانن کار بکەن و ڕێنماییەکان جێبەجێ بکەن”.
