لە رووداوێکی نامۆدا فڕۆکەیەک خۆی بە ئامێری گواستنەوەی “توک توک”دا دەکێشێت

SNN

لە رووداوێکی نامۆدا لە سوودان فڕۆکەیەک خۆی بە ئامێری گواستنەوە لە جۆری “توک توک”دا دەکێشێت و بەهۆیەوە چوار کەس گیانیانلەدەستدا و 12 کەسی تریش بریندار بوون.

میدیاکانی سودان بڵاویانکردووەتەوە، ئەمڕۆ یەکسەممە 27ی تشرینی یەکەم، لە رووداوێکی نامۆدا کە رۆژی هەینی رابردوو روویداوە فڕۆکەیەک لە جۆری ST-CPJ خۆی بە ئامێری گواستنەوەدا “توک توک” دەکێشێت کە کۆمەڵێک کرێکاری تایبەت بە گواستنەوەی کونجی هەڵگرتبوو، ئەمەش لە کاتێکدا ڕوویدا کە فڕۆکەکە لەسەر ڕێڕەوی خۆڵ لە ناوچەی ئەلفەشقە ئەلکوبرا لە ویلایەتی گێدەرف نیشتەوە.

لەو رووداوەدا چوار کەس کە لە ناو ئامێری گواستنەوەکە “توک توک”کەدا بوون گیانیان لەدەستداوە و 12 کەسی تریش برینداربوون، ئەم رووداوەش لەنێو خەڵکی ناوچەکەدا بە نامۆ هەژمارکراوە جونکە پێشتر رووداوی هاوشێوە رووینەداوە.

عەممار عەبدوڵڵا، بەڕێوەبەری گشتی وەزارەتی بەرهەمهێنان و سامانە ئابوورییەکان لە ویلایەتی گەیدەرێف ڕایگەیاند، فڕۆکەکە لە ئەرکێکدا بوو بۆ بەرەنگاربوونەوەی ئافاتێک کە رووی لە باڵندەکانی ناوچەکە کردووە، فڕۆکەکە کاتێک نزیک بوو لە نیشتنەوە، لەناکاو “توک توک” لەسەر ڕێڕەوی فڕین دەرکەوتووە وەک ئەوەی لە شوێنێکی نادیارەوە هاتبێتە دەرەوە، ئەمەش بووە هۆی ئەو پێکدادانە.