پێنج هاووڵاتی بەهۆی بڕینی داری سروشتییەوە دەستگیرکران
ئەو ئۆتۆمبێلەی دەستی بەسەردا گیراوە
SNN
پۆلیسی دارستان و ژینگەی سلێمانی رایگەیاندووە، لە پێنجوێن و پیرەمەگروون، پێنج هاوڵاتى لەسەر بڕینى دارى سروشتىی دەستگیرکراون، دەستیشگیراوە بەسەر کەرەستەکانی داربڕیندا.
بەڕێوەبەرایەتى پۆلیسى دارستان و ژینگەى سلێمانى رایگەیاندووە، مەفرەزەکانیان لە سنوورى گوندى بناوەسوتە توانیان لە سێ چالاکى جیاوازدا سێ هاووڵاتى لەسەر دیاردەى داربڕین دەستگیربکەن و دەستیشیانگرت بەسەر مشارێکى داربڕین و ئۆتۆمبێلێک.
لە رووداوێکی تری هاوشێوەدا، بنکەی پۆلیسى دارستانی پیرەمەگرون سنوورى گوندى کۆتەڵ دوو هاوڵاتیان لەسەر بڕینى دار دەستگیرکرد، کە یەک پیکاب تاکى نیسان داربەڕووى تەڕیان بڕیووەتەوە و دەستگیراوە بەسەر پیکاب و دارەکاندا.
