وەزارەتی دارایی وادەی دابەشکردنی مووچەی مامۆستایانی گرێبەستی راگەیاند

SNN-عەلی حەمە سەعید

نوێنەری مامۆستایانی گرێبەست ئاماژەی بەوەدەكات بە بڕیاری حكومەتی هەرێمی كوردستان دابەشكردنی مووچەی مامۆستایانی گرێبەست ڕاگیراوە، هاوكات وەزارەتی دارایی هەرێمیش ڕایدەگەینێت كە سبەی مووچەی مامۆستایانی گرێبەست دابەشدەكەن.

عەلی رەئوف، نوێنەری گشتی مامۆستایانی گرێبەست بە SNNی ڕاگەیاند: لەگەڵ ئەوەی وابەڵێنمان پێدرابوو كە لەگەڵ دابەشكردنی مووچەی وەزارەتی پەروەردە مووچەی مامۆستایانی گرێبەستیش دابەشبكرێت، بەڵاو دابەشکردنی مووچەکانیان دواکەوت.

ئاماژەی بەوەشكرد، ئەوەندەی بەدواداچوونمانكردووە بەبڕیاری حكومەوتی هەرێم دابەشكردنی مووچەی مامۆستایانی گرێبەست دواخرابوو،  یاری بە هەستی مامۆستایانی گرێبەست دەكەن و لەگەڵ نووسراوی خۆیان راستگۆ نەبوون.

ئەمەش لە کاتێکدایە ئەمڕۆ وەزارەتی دارایی رایگەیاند، سبەینێ دووشەممە مووچەی مانگی ئەیلولی مامۆستایانی گرێبەست دابەشدەکرێت.