بە هەوڵی فراکسیۆنی یەکێتی پارەی تر بۆ گەنمی جوتیاران دەنێردرێت

SNN

دوو پەرلەمانتاری یەکێتی رایدەگەیەنن، فراکسیۆنی یەکێتیی لە پەرلەمانی عێراق لە هەوڵی بەردەوامدایە بۆ ئەوەی بەم نزیکانە بڕێکی تر لە پارەی گەنمی جوتیاران رەوانەی هەرێم بکرێت.

کاروان یاروەیس، پەرلەمانتاری عێراق لە فراکسیۆنی یەکێتی لەئەنجومەنی نوێنەرانی عێراق بە میدیای فەڕمی یەکێتی راگەیاندووە، “فراکسیۆنی یەکێتیی هەوڵی جددی داوە کە پارەی گەنمی جووتیاران بە زووی رەوانەی هەرێمی بکرێت و بەسەر جوتیاراندا دابەشبکرێت”.

هاوکات، غەریب ئەحمەد ئەندامی لیژنەی كشتوكاڵی ئەنجومەنی نوێنەرانی عیراق ئاشکرایکردووە، “هەردوو وەزارەتی دارایی و وەزارەتی بازرگانیی عێراق بەڵێنیان داوە بەر لە كۆتایی ئەم مانگە بڕی 200 ملیار دیناری دیكە بۆ جوتیاران رەوانە بکەن”.

وتوویەتی: “88 ملیار دینار دەمێنێت پێشبینی دەكرێت بەر لە دەستپێكردنی وەرزی چاندنی دەغڵودانی ئەمساڵ ئەوەش رەوانە بكرێت”.

ئەمە لە کاتێکدایە، ئەمساڵ نزیكەی 700 هەزار تۆن گەنم لە جووتیارانی هەرێم وەرگیرا، لە بەرامبەردا پێویستە بەغدا 500 ملیار دینار بۆ هەرێم بنێرێت، بەڵام دوای نزیكەی چوار مانگ تەنیا 212 ملیار بە چەند قۆناغێك نێردراوە و هێشتا 228 ملیار دینار ماوە بنێردرێت.