نوێترین زانیاری لەبارەی مووچەی مانگی 10
پارەی 25 هەزاری عێراقی
SNN
جێگری سەرۆکی لیژنه‌ی دارایی په‌رله‌مانی عێراق زانیاریى نوێ له‌باره‌ى موچه‌ى مانگى 10 ئاشکراکردووە و دەڵێت، “رەنگە هەفتەی داهاتوو پاره‌ى مووچەی مانگی 10 له‌لایه‌ن به‌غداوه خەرجبکرێت”.
ئەمڕۆ پێنجشەممە 31ی تشرینی یەکەم، ئیخڵاس دلێم،ی جێگری سەرۆکی لیژنەی دارایی پەرلەمانی عێراق ئاشكرایكرد، “به‌گوێره‌ی بڕیاری دادگای فیدراڵ، پێویسته هاوشێوه‌ی فه‌رمانبه‌رانی ناوچه‌كانی دیكه‌ی عێراق، مووچه‌ی فه‌رمانبه‌رانی هه‌رێمیش خه‌رجبكرێت”.
دەڵێت “ئەگەری هەیە هەفتەی داهاتوو پارەی مووچەی مانگی 10 لەلایەن بەغداوە رەوانەی بانکەکانی هەرێم بکرێت و خەرج بکرێت”.
ئەمەش لە کاتێکدایە، دوێنێ جوارشەممە، رێباز حەملان یاریدەدەری سەرۆکوەزیرانی هەرێم، رایگەیاندبوو، “شاندێکی وەزارەتی دارایی هەرێم لە بەغدان و لەگەڵ خۆیاندا لیستی مووچەی مانگی 10 مووچەخۆرانی هەرێمی کوردستانیان بردووە”.
