داهاتی نانەوتی پارێزگاکانی سلێمانی و هەڵەبجە بڵاوکرایەوە

SNN

داهاتی نانەوتیی هەفتەی رابردووی سنووری سلێمانی ئاشكرا دەكرێت و بەراورد بە هەفتەی پێشووتر، دوو ملیار دینار کەمیکردووە.

ئەمڕۆ هەینی 1ی تشرینی دووەم، داهاتی نانەوتی ئەم هەفتەیەی سنوری پارێزگاكانی سلێمانی و هەڵەبجە و ئیدارەكانی گەرمیان و راپەڕین زیاتر لە 15 ملیار دینارە و بەراورد بە هەفتەی رابردوو دوو ملیار دینار كەمیكردووە.

بەگوێرەی راگەیەنراوەکەی ماڵپەڕی شەفافیەت، داهاتی ئەم هەفتەیە واتە لە 26ی تشرینی یەکەمەوە تا ئەمڕۆ، زیاتر لە 15 ملیار و 245 ملیۆن دینار و 120هەزار و 948 دینار بووە كە 93%ی نەختینە و 7%ی چەك بووە.

هاوکات، داهاتەكە بەراورد بە هەفتەی رابردوو 13.36% واتە بەبڕی دوو ملیار دینار دابەزیوە، كە لەوهەفتەیەدا داهاتەكە زیاتر لە 17 ملیار دینار بووە.