لەماوەی سێ ڕۆژی فێستیڤاڵی هەنار بەبڕی یەك ملیار و 435 ملیۆن دینار بەرهەمی جوتیاران فرۆشراوە
ڤێستیڤاڵی هەنار
SNN-عەلی حەمە سەعید
لیژنەی سەرپەرشتیاری دەیەمین فێستیڤاڵی هەنار لەهەڵەبجە ئاشكرایكرد، لەماوەی سێ ڕۆژی ڕابردووی فێستیڤالەكەدا 287 هەزار كەس سەردانی فێستیڤاڵەكەیان كردووە و هاوكات بە بڕی یەك ملیارو و 234 ملیۆن دینار هەنارو بەرهەمەكانی دیكە فرۆشراون.
بەگوێرەی ئەو ئامارانەی كە لەسەرپەرشتیارانی دەیەمین فێستیڤاڵی هەنار بە SNNدراون ئەوەخراوەتەڕوو، لەماوەی سێ ڕۆژی ڕابردووی فێستیڤاڵەكەدا 287 هەزار كەس سەردانی فێستیڤاڵەكەیان كردووە و هاوكات بە بڕی یەك ملیارو و 435 ملیۆن دینار هەنارو بەرهەمەكانی دیكە فرۆشراون.
هەر ئەمڕۆش هەورامان جەلال، وتەبێژی بەڕێوەبەرایەتی گەشتوگوزاری هەڵەبجە ئەوەی بە SNNڕاگەیاند: بەگوێرەی ئەو ئامارانەی كە كۆمانكردووەتەوە لەماوەی دوو رۆژی رابردووی فێستیڤاڵی هەناردا 190 هەزار سەردانیكار و گەشتیار سەردانیان كردووە، بەجۆرێك رۆژی یەكەمی ڤێستیڤاڵی هەنار 80 هەزار و رۆژی دووەم 110 هەزار كەس سەردانی ڤێستیڤاڵەكەیان كردووە، رۆژی سێیەمیش نزیکەی 100 هەزار کەس بووە.
لە فێستیڤاڵەكەدا هەنگوین، دۆشاو، مێووژ، گوێزی هەورامان، خواردنە كوردەوارییەكان، بەرهەمە كولتوورییەكان و كارە دەستییەكانی خانمان دەخرێنەڕوو، هاوكات لە ساڵی رابردووش لەماوەی سێ ڕۆژی ڤیستیڤاڵەكەدا 270 هەزار گەشتیار سەردانی ڤیستیڤاڵەكەیان كردبوو لەو ماوەیەشەدا بەبڕی ملیارێك و 300 ملیۆن دینار بەرهەمی جوتیاران فرۆشرابوو.
