لە سنووری ماوەت 200 دۆنم پوشوپاوان و داری سروشتیی سووتا

SNN

لە سنووری ماوەت 200 دۆنم پوشوپاوان و داری سروشتی سووتا، لەسەر ئەو رووداوەش هاووڵاتییەک دەستگیرکراوە.

ئەمڕۆ دووشەممە 4ی تشرینی دووەم، بەڕێوەبەرایەتی پۆلیسی دارستان و ژینگەی پارێزگای سلێمانی لە راگەیەنراوێکدا بڵاویکردەوە، دوای ئەوەی لەلایەن دانیشتووانی گوندی گەڵاڵێ ئاگادارکرانەوە لە روداوێکی ئاگرکەوتنەوە لە سنوورەکەیاندا، دەستبەجێ مەفرەزەکانی بەشی پۆلیسی دارستانی ماوەت گەیشتنە شوێنی روداوەکە و توانیان بە هاوکاری دانیشتووانی گوندەکە لە ماوەیەکی کەمدا ئاگرەکە کۆنترۆڵ بکەن .

ئاشکرایکردووە، بەهۆی ئاگرەکەوە 200 دۆنم پوشوپاوان و داری سروشتی ناوچەکە سووتان و زیان بە ژینگەی ناوچەکە گەیشتووە.

ئەوەشی خستەڕوو، لەسەر ئەو روداوە کەسێک دەستگیرکراوە و رادەستی دادوەر کراوە بۆ وەرگرتنی رێکاری یاسایی.